Sheptiwalya Pranyanchi Sabha -Balgeet-Marathi Song

शेपटीवाल्या प्राण्यांची भरली होती सभा,

पोपट होता सभापती मधोमध उभा.

पोपट म्हणाला, पोपट म्हणाला
मित्रानो, देवाघरची लूट देवाघरची लूट
तुम्हा आम्हा सर्वाना एक एक शेपूट

या शेपटाचे कराल काय?>

गाय म्ह्णणाली, गाय म्ह्णणाली
अशा अशा शेपटीने मी मारीन माशा

घोडा म्हणाला
याला धरीन, त्याला धरीन मीही माझ्या शेपटीने
असेच करीन तसेच करीन...

कुत्रा म्हणाला
खुशीत येईन तेव्हा शेपूट हलवीत राहीन

मांजरीन म्हणाली
नाही ग बाई, कुत्र्यासारखे माझे मुळ्ळीच नाही..
खूप खूप्प रागवीन तेव्हा शेपूट फुगवीन

माकड म्हणाले
कधी वर कधी खाली शेपटीवर मी मारेन उडी

मासा म्हणाला
शेपूट म्हणजे दोन हात, दोन हात
पोहत राहीन प्रवाहात

कांगारू म्हणाले, 
माझे काय?शेपूट म्हणजे पाचवा पाय....

मोर म्हणाला 
पिस पिस फुलवुन धरीन मी धरीन
पावसाळ्यात नाच मी करीन ...नाच मी करीन

पोपट म्हणाला 
छान छान छान छान
देवाच्या देणगीचा ठेवा मान
आपुल्या शेपटाचा उपयोग करा...
नाहीतर काय होइल? २
दोन पायाच्या माणसागत आपलं शेपुत झडुन जाईल...........
हा हा हा